Tu âs cirût la peraule
bilengâl monolengâl
Tu âs cirût la peraule
santo in paradiso
torne indaûr

bilengâl

santo in paradiso
  • 1

    loc.s.m. santul Copie

    [CO] (personaç potent che al pues judâ, racomandâ, e v.i.)
    ha trovato un buon posto di lavoro anche senza santi in paradiso = al à cjatât un bon puest di vore ancje cence vê santui

monolengâl

santul s.m.
(san-tul)
Cui che al ten a batisim un frut e che cussì al devente responsabil de sô educazion cristiane o che si cjape sù l'impegn di cjapâ il puest dai gjenitôrs se a vessin di mancjâ; come cui nons di parintât se si dopre cuntun possessîf nol è l'articul definît
esemplis
"Lene e veve za preparâts i vistiduts, un scansel di armâr plen, robe di lane e di tele, golfuts, scufutis… insieme a vevin sielt il non, cirûts i santui, stabilît cui clamâ a gustâ pal dì dal batisim"
gjavât fûr di "Sul agâr" di Pieri Menis
"Sandrin tal braç di sô mari al cjalave so santul che al fevelave svelt e sotvôs e che ogni tant al voltave il cjâf mo di ca mo di là par viodi se al rivave cualchidun"
gjavât fûr di "Nô, soltâts..." di Lelo Cjanton
santul s.m.
(san-tul)
Cui che al jude a nassi une iniziative, une ativitât e v.i. (fig.)
esemplis
"dal 1949 [Josef Marchet] al fâs di santul al moviment leterari “Risultive”"
gjavât fûr di "Josef Marchet" di Redazion La Patrie dal Friûl
santul s.m.
(san-tul)
Persone autorevule o potente che e pues protezi o judâ (fig.)
esemplis
"dut al dipent di alçâ une vore la vôs, magari fasint nassi cualchi disordin, o di vê un bon santul a Rome che al sepi mostrâ lis robis de bande juste"
gjavât fûr di "Di vicin e di lontan" di Josef Marchet
" al à di vê cualchi santul di chei grancj che al lavore parsot"
gjavât fûr di "L'avocat e la luianie" di Pieri Somede dai Marcs
detulis
"cui che al à santui al à colaçs"
"cui che al à santui al à confets"
"daspò dal batisim, ducj a volaressin sei santui"
torne sù
torne sù